Galicia participará nos Campionatos de España U15, U17 e U23 de Loitas Olímpicas, que se celebrarán en Langreo (Asturias) os días 28 e 29 de marzo, reunindo aos mellores deportistas a nivel nacional.
A competición terá lugar no Palacio de los Deportes Juan Carlos Beiro (C/ Jovellanos, s/n, 33930 Langreo, Asturias), escenario no que se disputarán os combates sobre tapices oficiais.
O programa da fin de semana distribuirase do seguinte xeito:
- U15 e U17: sábado 28 de marzo
- U23: domingo 29 de marzo
As pesaxes realizaranse o día previo á competición en diferentes franxas horarias segundo categoría, mentres que os combates se disputarán ao longo da xornada en cada unha delas.
A expedición galega contará cun amplo número de deportistas, técnicos e árbitros, confirmando o bo momento das loitas olímpicas en Galicia e a consolidación das categorías base e sénior.
No apartado organizativo, establécense diferentes condicións de participación en relación co aloxamento, a inscrición e o desprazamento, sendo responsabilidade dos clubs cumprir cos prazos establecidos para a correcta xestión da competición.
A data límite para a inclusión de novos deportistas será o venres 13 de marzo ás 12:00 horas, co obxectivo de garantir unha planificación axeitada do evento.
Documentación oficial e listado de inscritos:
