Está aberto o prazo para a solicitude das BOLSAS para o CENTRO GALEGO DE TECNIFICACIÓN DEPORTIVA DE PONTEVEDRA.
Estas bolsas son tanto para DEPORTISTAS como para PERSOAL COLABORADOR, e son de gran interese xa que sufragan moitos dos gastos que teñen os deportistas durante a súa formación.
As persoas beneficiarias destas bolsas disporán do aloxamento de domingo a venres, manutención completa de luns a venres, servizo de lavandaría, instalacións deportivas, servizo médico-deportivo e servizo de fisioterapia durante o curso escolar 2026/27 no CGTD.
A concesión destas bolsas é compatible coa obtención de axudas ao estudo, agás aquelas que teñan como compoñente o pagamento de gastos de comedor e/ou residencia escolar.
CURSO 2026-27
ORDE do 17 de xuño de 2026 pola que se establecen as bases reguladoras para a concesión de prazas, en réxime de concorrencia competitiva, de tecnificación e rendemento deportivo para o Centro Galego de Tecnificación Deportiva para a tempada 2026/27, e se procede á súa convocatoria (código de procedemento PR952A).
ORDE do 17 de xuño de 2026 pola que se establecen as bases reguladoras para a concesión de bolsas, en réxime de concorrencia competitiva, para persoas colaboradoras na residencia do Centro Galego de Tecnificación Deportiva para o curso 2026/27, e se procede á súa convocatoria (código de procedemento DE400A).
